"გორის დღე" ეისელებმაც აღნიშნეს
- Oct 23, 2022
- 1 min read
Updated: Aug 25
2022 წელს სკოლა ეისი ქალაქის ტრადიციულ დღესასწაულს, „გორის დღეს“, მოსწავლეებთან და მასწავლებლებთან ერთად შეუერთდა.
დღესასწაულზე სკოლა ეისს საკუთარი სივრცე ჰქონდა, სადაც წარმოდგენილი იყო მოსწავლეებისა და მასწავლებლების მიერ შექმნილი ნამუშევრები, ნახატები და სხვადასხვა ხელნაკეთი ნივთი.
ეისელები მხოლოდ საგამოფენო სივრცით არ შემოფარგლულან. ჩვენი მოსწავლეები დღის კულტურულ პროგრამაშიც ჩაერთნენ, ნაწილი მუსიკალური ნომრებით წარდგა, ნაწილი კი ცეკვის ნომერში მონაწილეობდა.
„გორის დღე“ მოსწავლეებისთვის შესაძლებლობა იყო, საკუთარი შემოქმედება სკოლის ფარგლებს გარეთ, ქალაქის ფართო აუდიტორიისთვის გაეზიარებინათ და თავადაც გამხდარიყვნენ იმ დღესასწაულის ნაწილი, რომელიც გორის კულტურულ, საგანმანათლებლო და საზოგადოებრივ ცხოვრებას ერთ სივრცეში აერთიანებს.
მოსწავლეებისა და მასწავლებლების ერთობლივი მონაწილეობით სკოლა ეისმა ქალაქის დღესასწაული შემოქმედებითად აღნიშნა და გორელებთან ერთად კიდევ ერთი საერთო გამოცდილება შექმნა. მადლობას ვუხდით ძვირფას მოსწავლეებსა და მასწავლებლებს დღევანდელი დღის გალამაზებისათვის.
Comments