ფიზიკა პრაქტიკაში: ეისელების მიერ შექმნილი მოდელები
- Jun 9, 2022
- 1 min read
ფიზიკის სწავლა განსაკუთრებით საინტერესო ხდება მაშინ, როდესაც მოსწავლე მხოლოდ ფორმულებსა და თეორიებს კი არ ეცნობა, არამედ საკუთარი ხელით ქმნის და აკვირდება, როგორ მუშაობს ესა თუ ის მექანიზმი.
2022 წელს სკოლა ეისის VII-VIII კლასის მოსწავლეებმა ფიზიკის მასწავლებელთან ერთად შექმნეს სხვადასხვა ტიპის მოდელები, რომლებშიც გაკვეთილებზე მიღებული ცოდნა პრაქტიკულად გამოიყენეს.
მოსწავლეების ნამუშევრებს შორის იყო ფარდის მექანიზმი, რომელშიც თოკებისა და მოძრავი ელემენტების საშუალებით გახსნა და დახურვა იყო შესაძლებელი. მათ ასევე დაამზადეს ჭის მოდელი, რომლისთვისაც შექმნეს წყლის ამოსაღებად გამოყენებული მექანიზმი. ერთ-ერთი პროექტი წყლის მოძრაობასაც უკავშირდებოდა. მოსწავლეებმა შექმნეს შადრევნიანი სახლის მოდელი, რომელშიც წყალი სპეციალური მექანიზმის საშუალებით მოძრაობდა და შადრევანს რეალურად მიეწოდებოდა წყალი.
ასეთი დავალებების დროს მოსწავლე მხოლოდ მზა მექანიზმს არ აკვირდება. მან თავად უნდა მოიფიქროს კონსტრუქცია, შეარჩიოს მასალა, გამოსცადოს სხვადასხვა გზა, აღმოაჩინოს შეცდომები და საბოლოოდ მიაღწიოს იმას, რომ შექმნილმა მოდელმა იმუშაოს.
პრაქტიკული პროექტები ფიზიკის ცნებებს უფრო გასაგებს ხდის და მოსწავლეებს აძლევს შესაძლებლობას, თეორიული ცოდნა რეალურ პროცესებს დაუკავშირონ. ამასთანავე, ისინი ავითარებენ პრობლემის გადაჭრის, შემოქმედებითი აზროვნებისა და გუნდური მუშაობის უნარებს.
ვიდეოში შეგიძლიათ ნახოთ მოსწავლეების მიერ შექმნილი მოდელები მოქმედებაში.
Comments