სკოლა ეისის მინი კომპანია „არტვუდი“ სამეწარმეო განათლების ფესტივალზე 2023
- Apr 2, 2023
- 1 min read
Updated: Aug 25
სკოლა ეისში მეწარმეობის საფუძვლები სკოლის გახსნის დღიდან, 2015 წლიდან ისწავლება. ყოველწლიურად მოსწავლეები მეწარმეობის მასწავლებელ ნინო ლომიძესთან ერთად ქმნიან საკუთარ მინი კომპანიებს, მუშაობენ ბიზნესიდეაზე, პროდუქტზე და მის წარდგენაზე.
წლების განმავლობაში ეისელების მიერ შექმნილი მინი კომპანიები არაერთხელ მოხვდნენ სამეწარმეო განათლების ფესტივალისთვის შერჩეულ მონაწილეებს შორის. 2023 წელს სკოლა ეისი ფესტივალზე მინი კომპანია „არტვუდმა“ წარადგინა.
„არტვუდის“ იდეა ორიგინალური ქართული სახლის დეკორის შექმნას ეფუძნებოდა. მოსწავლეები ამზადებდნენ დეკორატიულ დაფებსა და სამზარეულოს დეკორისთვის განკუთვნილ ნამუშევრებს, მუშაობდნენ პროდუქტის კონცეფციაზე და საკუთარ მინი კომპანიას რეალური ბიზნესის პრინციპების გათვალისწინებით ავითარებდნენ.
2023 წლის სამეწარმეო განათლების ფესტივალი 2 აპრილს, თბილისი მოლში გაიმართება და მასში შერჩეული მოსწავლეთა 37 კომპანია მონაწილეობს. ფესტივალის ფარგლებში ახალგაზრდებს შესაძლებლობა ჰქონდათ, საკუთარი პროდუქტები ფართო აუდიტორიისთვის წარედგინათ, გაცნობოდნენ სხვა მოსწავლეთა ბიზნესიდეებს და საკუთარი ნამუშევარი კონკურენტულ გარემოში გამოეცადათ.
ღონისძიებაზე კომპანიები სხვადასხვა ნომინაციაში ფასდებიან, მათ შორის საუკეთესო პროდუქტის, საუკეთესო ინტერვიუსა და მომხმარებლის რჩეულის კატეგორიებში. ფესტივალიდან შერჩეული გუნდები კი მოსწავლეთა კომპანიების კონკურსის ფინალურ ეტაპზე აგრძელებენ მონაწილეობას.
სკოლა ეისისთვის მეწარმეობის სწავლების მიზანი მხოლოდ ბიზნესის შესახებ თეორიული ცოდნის მიღება არ არის. მინი კომპანიაზე მუშაობისას მოსწავლეები იდეის შექმნიდან მის განხორციელებამდე გადიან პროცესს, სწავლობენ გუნდურ მუშაობას, პასუხისმგებლობის განაწილებას, გადაწყვეტილებების მიღებას, პროდუქტის განვითარებასა და საკუთარი იდეის წარდგენას.
„არტვუდის“ მონაწილეობა სამეწარმეო განათლების ფესტივალში ამ მრავალწლიანი გამოცდილების კიდევ ერთი მაგალითი გახდა.
Comments