,,სკოლა ეისის" მოსწავლეებმა გივი ზალდასტანიშვილის ამერიკული აკადემიის მოსწავლეების, მშობლის - პოლიტოლოგ ხათუნა ლაგაზიძისა და სამოქალაქო განათლების მასწავლებელ არინა თავაქარაშვილის ინიციატივით დახმარება ჩაიტანეს კონფლიქტისპირა სოფელ ხურვალეთის მოხუცებულთა სახლში - „სახლი საზღვრების გარეშე“.
თავშესაფრის დირექტორმა, ქალბატონმა ლუდა სალიამ, აღნიშნა, რომ კონფლიქტისპირა სოფელში მცხოვრები მოხუცებისთვის მოსწავლეების სტუმრობა განსაკუთრებული ფაქტია.
ხურვალეთში ვიზიტი საქველმოქმედო ქსელ „თაობების“ ინიციატივაა, რომელიც 2024 წლის იანვარში დააფუძნეს ამერიკული სკოლის მოსწავლეებმა.
ქსელის მიზანია საქართველოს მასშტაბით მოსწავლეების მობილიზება ბავშვთა სახლების, მოხუცთა პანსიონატების, შ.შ.მ პირთა ორგანიზაციების, სოციალურად დაუცველთა დახმარების მიზნით. ამგვარი ქსელი საშუალებას მოგცვემს საქართველოს სხვადასხვა რეგიონებში აღირიცხოს სოციალურად დაუცველთა საჭიროებები და დამენეჯმენტდეს მათი დახმარების პროცესი.
