ეფექტური კომუნიკაციის ტრენინგი სკოლა ეისის თანამშრომლებისთვის
Updated: Sep 19
სკოლა ეისის თანამშრომლებისთვის ჩატარდა ტრენინგი ეფექტური კომუნიკაციის შესახებ, რომლის მიზანი იყო სასკოლო გარემოში მოსწავლეებთან, მშობლებთან, კოლეგებთან და ადმინისტრაციასთან ურთიერთობის პრაქტიკული მიდგომების განხილვა.
ტრენინგის ფარგლებში ყურადღება გამახვილდა კომუნიკაციის სხვადასხვა ფორმაზე, მათ შორის ვერბალურ, არავერბალურ და წერილობით კომუნიკაციაზე, ასევე იმაზე, თუ როგორ შეიძლება რთულ ან კონფლიქტურ სიტუაციებში პროფესიული და შედეგზე ორიენტირებული ურთიერთობის შენარჩუნება.
მასწავლებლებმა განიხილეს რეალურ სასკოლო გამოცდილებაზე დაფუძნებული შემთხვევები: მოსწავლის ქცევაზე რეაგირება, მშობელთან ინდივიდუალური შეხვედრა, შეფასებასთან დაკავშირებული კითხვები, კოლეგებს შორის ინფორმაციის გაზიარება და სხვადასხვა ტიპის რთული საუბრის მართვა.
ტრენინგის მნიშვნელოვანი ნაწილი დაეთმო უკუკავშირის სწორად მიწოდებას, მოსწავლის მოტივაციაზე კომუნიკაციის გავლენას და იმ გზებს, რომლითაც მასწავლებელს შეუძლია საკუთარი სიტყვებითა და ქცევით უსაფრთხო და თანამშრომლობაზე დაფუძნებული გარემოს შექმნა.
თეორიულ საკითხებთან ერთად მონაწილეები მუშაობდნენ პრაქტიკულ შემთხვევებზე, მსჯელობდნენ შესაძლო რეაგირების გზებზე და ერთმანეთს უზიარებდნენ საკუთარ გამოცდილებას.
სკოლა ეისისთვის მასწავლებლების პროფესიული განვითარება სასწავლო პროცესის ხარისხის გაუმჯობესების მნიშვნელოვანი ნაწილია. მსგავსი შეხვედრები ხელს უწყობს არა მხოლოდ ინდივიდუალური პროფესიული უნარების განვითარებას, არამედ სკოლაში უფრო თანმიმდევრული და შეთანხმებული კომუნიკაციის კულტურის ჩამოყალიბებას.
ტრენინგს უძღვებოდა სკოლა ეისის ხარისხის მართვის მენეჯერი ნათია ტლაშაძე.
Comments