2017-2018 წლის კურსდამთავრებულთა მოგზაურობა პარიზში
- May 20, 2018
- 1 min read
Updated: Aug 25
სკოლა ეისის 2017-2018 სასწავლო წლის კურსდამთავრებულებმა სკოლის დასრულება საერთო მოგზაურობით აღნიშნეს და საფრანგეთის დედაქალაქს, პარიზს, ესტუმრნენ.
მოგზაურობისას მოსწავლეებმა პარიზის არაერთი ცნობილი ღირსშესანიშნაობა მოინახულეს. მათ შორის იყო ეიფელის კოშკი, ლუვრის მუზეუმი, ტრიუმფალური თაღი, შანზ-ელიზე, პარიზის ღვთისმშობლის ტაძარი, ნოტრ-დამი, და თანხმობის მოედანი,
ქალაქის დათვალიერება მხოლოდ ცნობილი ადგილების მონახულებით არ შემოიფარგლებოდა. მოსწავლეებს შესაძლებლობა ჰქონდათ, უშუალოდ გაცნობოდნენ პარიზის ისტორიულ გარემოს, არქიტექტურასა და კულტურულ სივრცეებს და საკუთარი თვალით ენახათ ის ადგილები, რომელთა შესახებაც მანამდე სხვადასხვა საგნიდან, წიგნებიდან თუ მედიიდან ჰქონდათ ინფორმაცია. მოგზაურობისას ღირსშესანიშნაობების შესახებ ინფორმაციას მასწავლებლები უზიარებდნენ.
კურსდამთავრებულთა მოგზაურობა სკოლა ეისში სასკოლო ცხოვრების ერთ-ერთი განსაკუთრებული ტრადიციაა. პარიზში გატარებული დღეები 2017-2018 წლის კურსდამთავრებულებისთვის სასკოლო წლების ერთ-ერთი ბოლო საერთო მოგონება და ახალი კულტურული გამოცდილება გახდა.
Comments