„ახალგაზრდები მართლმსაჯულებისთვის“ სკოლა ეისში
- Dec 12, 2022
- 1 min read
Updated: Aug 25
სამოქალაქო განათლება სკოლა ეისში მხოლოდ თეორიული საკითხების განხილვით არ შემოიფარგლება. მოსწავლეებისთვის განსაკუთრებით მნიშვნელოვანია შესაძლებლობა, რეალურ საზოგადოებრივ საკითხებზე იმსჯელონ, მოისმინონ განსხვავებული მოსაზრებები და საკუთარი პოზიციის ჩამოყალიბება შეძლონ.
სამოქალაქო განათლების მასწავლებელ არინა თავაქარაშვილის ინიციატივით სკოლა ეისს ზაზა ბიბილაშვილი და იულონ გაგოშიძე ესტუმრნენ.
შეხვედრის ფარგლებში მოსწავლეებმა ნახეს სიდნი ლუმეტის ცნობილი ფილმი „12 განრისხებული მამაკაცი“, რომლის სიუჟეტი მართლმსაჯულების, პასუხისმგებლობის, მტკიცებულებების შეფასებისა და წინასწარი განწყობების გავლენის საკითხებს ეხება.
ფილმის ჩვენების შემდეგ გაიმართა განხილვა და დისკუსია. მოსწავლეებს შესაძლებლობა ჰქონდათ, სტუმრებთან ერთად ემსჯელათ ფილმში წამოჭრილ თემებზე, გაეზიარებინათ საკუთარი მოსაზრებები და განსხვავებული პოზიციები მოესმინათ.
მსგავსი შეხვედრები მოსწავლეებს ეხმარება, საზოგადოებრივ საკითხებს უფრო კრიტიკულად შეხედონ, არგუმენტირებულ მსჯელობაში ჩაერთონ და უკეთ გაიაზრონ მოქალაქის პასუხისმგებლობა დემოკრატიულ საზოგადოებაში.
Comments