სამეწარმეო განათლების კონფერენცია
- May 20, 2022
- 1 min read
Updated: Aug 25
სკოლა ეისის მეწარმეობის საფუძვლების მასწავლებელმა ნინო ლომიძემ გორის სახელმწიფო სასწავლო უნივერსიტეტში გამართულ სამეწარმეო განათლების კონფერენციაში მიიღო მონაწილეობა.
კონფერენციას გორის მუნიციპალიტეტის საჯარო და კერძო სკოლების დირექტორები ესწრებოდნენ. შეხვედრაზე ნინო ლომიძემ მონაწილეებს სკოლა ეისში მეწარმეობის სწავლების გამოცდილება გაუზიარა და ისაუბრა მოსწავლეთა მიერ შექმნილ მინი კომპანიებზე, მათ საქმიანობასა და მიღწევებზე.
მეწარმეობის საფუძვლების სწავლება სკოლა ეისში 2015 წლიდან, სკოლის გახსნის დღიდან მიმდინარეობს. პროგრამის ფარგლებში მოსწავლეები ყოველწლიურად ქმნიან საკუთარ მინი კომპანიებს, მუშაობენ ბიზნესიდეის განვითარებაზე, პროდუქტის შექმნაზე, გუნდში პასუხისმგებლობების განაწილებასა და საკუთარი იდეის წარდგენაზე.
წლების განმავლობაში დაგროვილი გამოცდილება სკოლას შესაძლებლობას აძლევს, საკუთარი პრაქტიკა უკვე სხვა საგანმანათლებლო დაწესებულებებსაც გაუზიაროს და მეწარმეობის სწავლების მიმართულებით პროფესიულ დისკუსიაში ჩაერთოს.
მასწავლებლების მიერ გამოცდილებისა და პრაქტიკული ცოდნის გაზიარება სკოლა ეისისთვის პროფესიული განვითარების მნიშვნელოვანი ნაწილია. სწორედ ასეთი თანამშრომლობა ქმნის შესაძლებლობას, წარმატებული პრაქტიკა გასცდეს ერთი სკოლის ფარგლებს და უფრო ფართო საგანმანათლებლო სივრცეში გავრცელდეს.
Comments