ინტელექტუალური ფესტივალი 2019
- Apr 24, 2019
- 1 min read
Updated: Aug 25
2019 წელს სკოლა ეისის მოსწავლეები გორის სახელმწიფო სასწავლო უნივერსიტეტში გამართულ სკოლებს შორის ინტელექტუალურ ფესტივალში მონაწილეობდნენ.
ფესტივალი რამდენიმე ეტაპად მიმდინარეობდა და მოიცავდა საკვალიფიკაციო, ნახევარფინალურ და ფინალურ თამაშებს. თითოეული გუნდი შვიდი მოსწავლისგან შედგებოდა, ხოლო მონაწილეები ზოგადი ცოდნის შეკითხვებზე გუნდურად მუშაობდნენ. თამაშის ნაწილი იყო კაპიტნებისთვის განკუთვნილი სპეციალური შეკითხვაც.
ინტელექტუალური თამაშის ფორმატმა მოსწავლეებს შესაძლებლობა მისცა, სხვადასხვა სფეროში მიღებული ცოდნა გამოეყენებინათ, სწრაფად გაეანალიზებინათ ინფორმაცია, ემუშავათ გუნდურად და საერთო გადაწყვეტილებამდე მისულიყვნენ.
ფესტივალი განხორციელდა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის“ (PITA) ფარგლებში. პროგრამას საქართველოს გაეროს ასოციაცია USAID-ის ფინანსური მხარდაჭერით ახორციელებდა, ხოლო შიდა ქართლში პარტნიორი ორგანიზაცია „კეთილდღეობისა და განვითარების ცენტრი“ იყო.
ინტელექტუალურ ფესტივალში მონაწილეობა ეისელებისთვის კიდევ ერთი შესაძლებლობა იყო, საკუთარი ცოდნა სკოლის ფარგლებს გარეთ გამოეცადათ და სხვა სკოლების მოსწავლეებთან ერთად საინტერესო ინტელექტუალურ გამოწვევაში ჩართულიყვნენ.
Comments