შეხვედრა სკოლის პროფესიული ორიენტაციის პროგრამის ფარგლებში

May 5, 2018
1 min read

Updated: Aug 25

5 მაისს სკოლა ეისში პროფესიული ორიენტაციის პროგრამის ფარგლებში შეხვედრა გაიმართა, რომელშიც სხვადასხვა სფეროს წარმომადგენლები მონაწილეობდნენ.

მოსწავლეებს შესაძლებლობა ჰქონდათ, უშუალოდ მოესმინათ იმ ადამიანებისთვის, რომლებიც ერთმანეთისგან განსხვავებულ პროფესიულ მიმართულებებში მუშაობენ, გაეგოთ მათი გამოცდილების, პროფესიული გზის, ყოველდღიური საქმიანობისა და იმ უნარების შესახებ, რომლებიც კონკრეტულ სფეროში წარმატებისთვის მნიშვნელოვანია.

შეხვედრას ესწრებოდნენ:

დიტო საძაგლიშვილი, იურისტი, თბილისის სახელმწიფო უნივერსიტეტისა და ილიას სახელმწიფო უნივერსიტეტის ლექტორი;
მათე მაყაშვილი, ბლოგერი, სცენარისტი და ტურისტული ბიზნესის წარმომადგენელი;
კოტე შატაკიშვილი, კვების პროდუქტების წარმოების ტექნოლოგი;
ვახტანგ ავაზიშვილი, დეტექტივ-გამომძიებელი და ანალიტიკური სამსახურის წარმომადგენელი;
თამაზ მაყაშვილი, გორის უნივერსიტეტის ლექტორი.

სტუმრებმა მოსწავლეებს გაუზიარეს საკუთარი პროფესიული გამოცდილება, ისაუბრეს არჩევანზე, რომლებიც კარიერული გზის დასაწყისში გააკეთეს, და უპასუხეს მოსწავლეების შეკითხვებს.

ასეთი შეხვედრები უფროსკლასელებს ეხმარება, სხვადასხვა პროფესია რეალური გამოცდილებების საშუალებით გაიცნონ, რაც თავის მხრივ შესაძლებლობას აძლევს, უკეთ გააანალიზონ საკუთარი ინტერესები, ძლიერი მხარეები და სამომავლო გეგმები.

შეხვედრა სკოლა ეისის დირექტორის, მარიკა ტლაშაძის, ინიციატივითა და ორგანიზებით გაიმართა.