შემეცნებითი ექსკურსია საქართველოს ეროვნულ მუზეუმში
Nov 9, 2016
1 min read
Updated: Sep 19
სკოლა ეისის VII-XI კლასის მოსწავლეები 2016 წლის 9 ნოემბერს შემეცნებითი ექსკურსიის ფარგლებში საქართველოს ეროვნულ მუზეუმს ესტუმრნენ.
ვიზიტი ისტორიის მასწავლებელ ირმა თითირაშვილისა და სკოლის თვითმმართველობის ინიციატივით დაიგეგმა.
მუზეუმში მოსწავლეებს შესაძლებლობა ჰქონდათ, ისტორიულ მასალებსა და ექსპონატებს უშუალოდ გაცნობოდნენ და სასწავლო პროცესში მიღებული ცოდნა რეალურ კულტურულ და ისტორიულ გარემოსთან დაეკავშირებინათ.
მსგავსი გასვლითი აქტივობები მოსწავლეებს ეხმარება, ისტორია მხოლოდ სახელმძღვანელოს მასალად არ აღიქვან და უკეთ დაინახონ კავშირი წარსულს, კულტურულ მემკვიდრეობასა და თანამედროვე საზოგადოებას შორის.
საქართველოს ეროვნულ მუზეუმში ვიზიტი ეისელებისთვის კიდევ ერთი შესაძლებლობა იყო, სწავლა საკლასო სივრცის მიღმაც გაეგრძელებინათ.
Comments