დღეს ეისის დღეა!
- Dec 8, 2020
- 1 min read
Updated: Aug 25
2015 წლის 8 დეკემბერს სკოლა ეისში პირველი გაკვეთილი ჩატარდა. მას შემდეგ 8 დეკემბერი სკოლისთვის განსაკუთრებულ თარიღად იქცა და ყოველწლიურად გვახსენებს იმ გზას, რომელიც პირველივე დღიდან დღემდე ერთად გავიარეთ.
2020 წელს სკოლა ეისის დაარსებიდან ხუთი წელი შესრულდა. ამ დროის განმავლობაში სკოლამ არაერთი მნიშვნელოვანი ეტაპი გაიარა, გაიზარდა, განვითარდა და შექმნა საზოგადოება, რომლის ნაწილიც არიან მოსწავლეები, კურსდამთავრებულები, მასწავლებლები და მშობლები.
8 დეკემბერი კიდევ ერთი მიზეზით არის სიმბოლური. ეს სკოლა ეისის სულისჩამდგმელისა და დირექტორის, მარიკა ტლაშაძის, დაბადების დღეცაა.
2020 წელს, პანდემიის გამო, ეისის დღის ერთად აღნიშვნა სკოლაში ვერ შევძელით და ეს მნიშვნელოვანი თარიღი დისტანციურად აღვნიშნეთ. მიუხედავად ამისა, სკოლის საზოგადოებისთვის 8 დეკემბერმა თავისი მნიშვნელობა არ დაკარგა.
ამ დღის აღსანიშნავად სკოლა ეისის XII კლასის მოსწავლეებმა სკოლას წერილიც მიუძღვნეს, რომელიც შეგიძლიათ იხილოთ ქვემოთ.
ვულოცავთ ეისის დღეს ყველას, ვინც ამ წლების განმავლობაში სკოლა ეისის ისტორიის ნაწილი იყო და არის.
Comments